Tónleikarnir hefjast stundvíslega kl. 21:00. laugardaginn 26 júní.

Tónleikarnir verða úti og aðgangur er ókeypis. Þar mun Gunnar taka öll sín bestu lög, segja söguna á bak við lögin og spjalla við tónleikagesti. Gunnar er einn afkastamesti tónlistarhöfundur Íslendinga og hefur samið bæði dægurlög og sígilda tónlist.

Eins og áður segir byrja tónleikarnir klukkan 21 og munu standa til klukkan 23. Á eftir veður danstónlist af diskum fram á nótt.

„Það þarf mikinn snilling og mann með mikið "músikalitet" til að taka þessi lög, lög sem eru stór hluti af þjóðarsálinni og mörg hver upphaflega sungin af bestu söngvurum þjóðarinnar.... einn vopnaður kassagítar og komast upp með það. Það gerði Gunnar svo sannarlega og kom auk þess með nýja vinkla á mörg þessara laga, og ég er ekki frá því að sum þeirra njóti sín bara betur svona strípuð og berskjölduð“ sagði Bubbi Morthens um tónleika Gunnars á Græna hattinum í fyrra.

Næg tjaldstæði eru á Arnarstapa og þar er einnig hægt að fá gistingu og svefnpokapláss. Snjósleðaferðir eru á Snæfellsjökul alla helgina. Nánari upplýsingar er hægt að fá í símum 435-6782 og 865-3459. Einnig er hægt að fá gistingu á Hótel Ólafsvík sími 436-1650